Persönliches Kraftlied für Urs...
"Nachdem ig dis Kraftlied ha chönnä losä uf Youtube, het sich mir dr Gedanke gmacht, o so eis la z'schribe. Wo wir üs den zerscht mau gseh u mitenand gredet hei, isch direkt äs schöns Gspräch drus worde wo i offe u ehrlech aus ha chönne verzölle. I ha dir, liebi Steff, komplett aus frei gla wie du mis Lied wosch mache, zum Glück häsch mi aber o mängisch ufem Loufende ghaute, dass i di Zyt überstande ha. Wo i mis Lied ha dörfe i Empfang nä isch mir ganz komisch gsi vor Vorfreud, z Lied endlich dörfe z'lose, d'Angscht, dases nid das isch, wo i erwartet ha. I ha z'Lied einigi mau müesse losä um würklech alles zu verstah u chönne begriffe. Du häsch mini beschte Erwartige was das Lied bedtrifft meh aus erfüllt u übertroffe. I hät niä gloubt, dass mir das Lied so z'Härze geit u mir würklech soviel Kraft und Energie git. Äs isch für miri würklech äs Kraftlied worde wo i gern mehrmaus am Tag eifach gärn khöre u cha abschalte. Cha aune Mensche wo das lese nume rate, sich o äs Lied vor Steffi la z'mache. De einzig Fehler wo ig gmacht ha isch, das i d'Steffi z Lied nid la la vorspile - gloube, das wär no emotionaler gsi als selber z'losä." Liebe Gruess Urs
Liebä Urs
Üses Gspräch isch mir sehr nach gange, dini Offäheit u Ehrlechkeit, dis Vertrouä i mini Arbeit, het mi sehr berüehrt. Dini positivi Art u wou dä Wandu wo du ide letschte Mönet hesch gmacht, het mi beidruckt. Mach witer so - u wis ä Zilä i dim Lied seit: "Chume nieme i dä Trott!"
Aues Liebe
Steffi
Kommentar schreiben