Persönliches Lied & Wohnzimmerkonzert zum Jubiläum
"Wow, eifach unbeschriblech mit wie viu Töifgang, Talänt und Kreativität du üses ganz persönleche Liebeslied hesch realisiert. Vom Kennelerne, überd Projektbesprächig bis hi zum ganz persönleche Wohnzimmerkonzärt si mir eifach nume positiv gflasht gsi vo dire wundervolle Art. Mir würde di aune witerempfähle, wiu mä eifach gspürt, dass dMusig dini Lideschaft isch. Danke 1000ig fuer aues." Marc & Fabienne Lüthi
Dir Zwöi!
So närvös bini gsi u so schön, luschtig und einzigartig isch dä Namittag bi öich gsi. Eifach wunderschön! I fröiemi scho ufe Juli womer üs aui wider träffä zum Fötelä - aber eifach o zum chli zämä Zyt verbringe u ä schönä Summertag zämä dörfä z gniessä! Dir si zwöi wunderbari Lüt! Und übrigens het dr Marc o ä grossi Lideschaft: Fotografierä! Göt mau ga inäluegä: www.cramarts.ch
Bis gli - Steffi
Kommentar schreiben