40. Geburtstag - Lieblingsmönsch

40. Geburtstag - Lieblingsmönsch

 

Ha di, liebi Steffi scho a mängs Konzärt dörfe begleitä, mitgfieberet, zueglost, fröid ha, säuber chli närvös si, au di Emotione dörfe erläbe, ha bi so viune berüehrende Ougeblicke dörfe derbi si. Unbeschriblech was du mit dire Musig i mir uslösisch.

 

Vor langem hesch du ä Steffi-Lexy Song gschibe u üsi Tröim dri verpackt, a so mängem Uftritt heschne gspiut, är begleitet mi immer u überau u i bi mir sicher, dass Tröim chöi i erfüuig gah.

 

Eines Tages bisch mitemne Piano ungerem Arm cho z loufe. Chum uspackt hesch druf los gspiut u drzue afa schribe... mehreri Stung hani eifach zuegluegt u zueglost u plötzlech hani gmerkt, dases i däm Tattoo-Lied nid nume um di geit u einisch meh bini eifach nume sprachlos u berüehrt gsi.

 

Am 18. Geburtstag vo mim Töchterli hesch du üsi Familiegschicht ines Chraftlied für sie umgwandlet u bisch si cho überrasche dermit. D'Fröid so gross, u o si het sit denn ä Song wose dürs ganze Läbä wird begleite u ihre immer wider Chraft git.

 

Au di Lieder si  nüme züberträffe hani dänkt und wider einisch meh hesch du mir letscht Samschti a mim runde Geburtstag zeigt, dass aus müglech isch.

 

Lieblingsmönsch .. äs Lied vo dir für mi. <3

 

Immer no chli sprachlos u so unheimlech dankbar.
Merci für das Lied, Merci für dini Musig, Merci für üsi Fründschaft, merci für DI!!

 

<3 <3 <3 MERCI FÜR DI LIMÖ!!

Kommentar schreiben

Kommentare: 0

Melde dich und lass uns kreativ werden.

Schreib mir in deiner Nachricht, um welchen Anlass es sich handelt, wann und deine Idee dazu. Ich sende dir dazu meine Ideen und Gedanken, sowie eine unverbindliche Offerte zu.

Zusammen werden wir den besonderen Tag noch unvergesslicher machen.


Hinweis: Bitte die mit * gekennzeichneten Felder ausfüllen.


Veranstaltung